20-годишнина на YES програмата

На 13-14 мај, 2023 година, 18 алумни и 9 гости од Северна Македонија ја имаа честа да ја прослават 20-годишнината од YES програмата во хотел Солун во Скопје. Сите алумни кои се пријавија имаа можност да учествуваат на две едукативни работилници. Првата работилница ја опфати темата „Критичко размислување и лидерство“ предводена од д-р Сем Потоликио. Работилницата се фокусираше на особините и факторите кои ги прават лидерите да се истакнат и да бидат избрани да водат.

Втората работилница ја водеше директорката на Америкаснки совети, Зденка Николовска, на тема „Како да се справиме со „тешките“ луѓе”. Учесниците научија вредни сознанија за нивните лични профили, истовремено подобрувајќи ги своите вештини за комуникација и управување со конфликти.

YES алумните беа исклучително задоволни од знаењето и вештините што ги стекнаа, нивните резултати и целиот придонес и придобивки од работилниците. Присуството на работилниците им овозможија на алумните од постарите и помладите генерации да се поврзат и да воспостават силни врски со тоа што беа дел од овие моќни работилници! Честитки за 20 години од YES програмата и уште многу што следуваат! #klyes #yesprogram