Презентација на “Capstone Projects”

Учесниците на YES Abroad програмата, Абигејл, Изабела, Лејн и Рејчел се блиску до последните денови од годината на размена.

Тие станаа дел од локалната заедница, оформија длабоки врски со семејствата домаќини и пријателите и покажаа успех на академска план. Учесниците продреа подлабоко во локалната култура и избраа теми заснована врз своите страсти и локално искуство за да ги создадат своите годишни “Capstone Projects”.

Проектите ги презентираа на 30 мај, 2023 година, во Американското катче Скопје пред претставници на Амбасадата на САД, семејствата домаќини и персоналот на Американски совети. Почнувајќи од теми поврзани со културата на кафето, до младинските ставови, јавната уметност па сè до информатичката наука, присутните имаа можност да ги погледнат нивните проекти и културни аспекти од поинаков агол и да научат уште повеќе.

Секоја чест за сите учесници на YES Abroad програмата за успешната година. Со нетрпение чекаме да видиме како ќе го споделат ова искуство со светот.