Во чест на Меѓународниот ден на жената
На 4 март, 2023, YES алумната Сара Стојановска организираше настан „Изработка на картички за благодарност“, каде учесниците можеа да направат своја картичка благодарница за некој близок. Оваа активност им помогна на учесниците да ги подобри своите вештини за изработка и да споделат картичка со жена со која се гордеат за нејзините достигнувања. Седум алумни учествуваа на настанот кој се оддржа во канцеларијата на Американските совети во Скопје. Алумните направија 40 картички за благодарност.
На 8 Март, 2023, по повод одбележувањето на Меѓународниот ден на жената, YES алумната Емилија Крстевска заедно со Ротаракт клубот Широк Сокак Битола им поделија цвеќе на жените минувачи на најпознатата улица во Битола, Широк Сокак. Денот беше исполнет со радост и насмеани лица, посакувајќи им на жените среќен празник, како и промовирање на YES програмата и Ротаракт клубот Широк Сокак. Двете организации имаат за цел да создадат промени во заедницата на позитивен начин. Среќен меѓународен ден на жената!
Од 4 до 10 март, 2023, YES алумната Марија Арсовска организираше кампања на социјалните мрежи со фокус на „Родова еднаквост и зајакнување на жените“. Секој пост содржеше едукативен и информативен материјал за тоа како да се создаде еднакво општество и еднакви можности за жените и мажите.
На 9 март, 2023, YES алумната Исидора Стефаноска организираше настан насловен „Поплочување на патот: Моќни приказни од Рајна Алексова и Сара Бридлав“ со помош на учесничката од YES Abroad програмата Рејчел Смит. Настанот се одржа во Американското катче Скопје како начин да се одбележи Меѓународниот ден на жената. Приказните на Рајна Алексова, првата балканска жена фармацевт и Сара Бридлав, првата жена милионерка во Америка, беа споделени како начин да се истакне важноста на издржливоста, решителноста и истрајноста наспроти неволјите. Работилницата заврши со вежба за пишување каде што 15-те учесници одвоија време да размислуваат за нивните идни цели и начинот на кој тие ќе ги постигнат.
