Работилница за креативно пишување

На 1 март, 2023, Алумната на YES програмата, а воедно и претставничка на својот град, Емилија Крстевска организираше работилница за креативно пишување во гимназијата „Таки Даскало“ во Битола, Во организацијата ѝ помогнаа и учениците од двојазична англиско – македонска паралелка од гимназијата „Таки Даскало“ во Битола.

Меѓу 23-те учесници на работилницата беа и ученици од ОУ „Климент Охридски“ Битола кои научија нови корисни вештини и открија нови начини како да добијат инспирација за пишување. Во работилницата беа вклучени многу игри и вежби со цел да ја разбудат креативната страна на учениците и да ги поттикнати охрабрат да пишуваат. Работилницата исто така имаше за цел да ги запознае учениците со богатството на англискиот јазик и со креативноста потребна за создавање приказни.