Одбележување на 50 години од Американски совети за меѓународно образование

На 6 декември се собравме да оддадеме чест на пет децении на поттикнување на глобалното разбирање и соработка преку образование, јавна дипломатија и професионален развој. Со програми во 148 земји, канцеларии во над 30 земји и мрежа од над 100.000 алумни, Американските совети станаа глобален лидер во меѓународното образование, помагајќи да се одговори на денешните предизвици преку моќта на поврзувањето и учењето.

Во Северна Македонија, нашето патување започна во 2003 година, почнувајќи со Junior Faculty Development Program. Оттогаш, значително пораснавме, започнувајќи ја програмата YES во 2009 година и потоа и влијателни програми како Lehigh, YES Abroad, Title VIII, OPIT, Balkan Language Initiative и YTILI.

Овој успех немаше да биде возможен без лидерството и менторството на Катерина Пејовска, Велика Ангелкова, Зденка Николовска и нашата сегашна директорка Весна Наумовска, кои го отворија патот за напредување на безброј учесници и алумни. Посебна благодарност до Амбасадата на САД во Северна Македонија, Министерството за образование и наука, нашите училишта и семејства домаќини, нашите посветени соработници и нашите неверојатни алумни кои продолжуваат да нѐ инспирираат секој ден.

За уште многу повеќе години!